Flestir kennarar á fimmtugsaldri!!!

Enn geta fréttir af kennurum vakið óskipta athygli mína og einstaka þörf til að rita um málið.

Hvað segja þær staðreyndir okkur að flestir kennarar í grunnskólum landsins eru á fimmtugsaldir? Hvað er það sem veldur því að ungir kennarar falast ekki eftir starfi eftir að hafa lokið námi? En fréttin greinir einnig frá því að aðeins um 11% kennara er undir þrítugu! Er þá nokkur furða á að lítið haggist í málum?

Ná sjónarmið ungra kennara fram að ganga í launabaráttunni? Það væri gaman að heyra hvað það er sem ungir kennara leggja áherslu á í launabaráttunni eru það sömu markmið og þeir sem eru á fimmtugsaldri? Skiptir kennsluafsláttur og mínútutalning unga grunnskólakennara einhverju máli?

Það sem ég horfi í þegar ég skoða kröfur mínar í starfi er að kjarasamningur sé einfaldaður, hann er of flókinn um það eru flestir sammála. Ég vil sjá almennileg grunnlaun sem miða við að kennarar kenni börnum ef við miðum við 40 stunda vinnuviku - kenni kennari 27 kennslustundir á viku (hver kennslustund er 40 mín.) og hafi fyrir þann tíma 30 mínútur í undirbúning fyrir hverja kennslustund. Aðrar vinnustundir falla undir önnur störf kennarans sem eru; kennarafundir, foreldrasamstarf, verkefna- og prófagerð, yfirferð, störf sem varða skólann í heild og önnur sérverkefni eftir því sem við á. 

Grunnskólanemendum fækkaði milli ára en kennurum fjölgaði

Athugasemdir

[Gunnar Ragnarsson (IP-tala skráð) 22.2.2007 kl. 09:50]

Starfsmenn við kennslu ... eru þar með taldir stuðningsfulltrúar?

[Sara Dögg, 22.2.2007 kl. 09:54]

Sæll Gunnar. Það væri eðliegt að svo væri en ég hef grun um að svo sé ekki í þessu samhengi.

[Gunnar Ragnarsson (IP-tala skráð) 22.2.2007 kl. 10:29]

Ég var nú bara að hugsa um nemendur per kennara og ef deilt er í fjölda nemenda með fjölda starfsmanna þá fæst út tæplega 9 nemendur á hvern kennara. Það finnst mér varla geta staðist.  

[Sara Dögg (IP-tala skráð) 22.2.2007 kl. 11:50]

Ef við spáum í það...Sammála en kerfið er svo þungt í vöfum þannig að þessi reikningur virkar ekki því miður en þannig er stefnan í mínum skóla. Kennarar í Barnaskólanum eiga að öllu jöfnu að vera að kenna 12 barna hópi og það eru gæði!